Collectiones musei

Collectiones musei variae sunt.

Museum Francesco Gonzaga lautam varietatem subtilium collectionum proponit. Iter incipit a statuis antiquis, quae praesentiae Romanorum Langobardorum Francorumque in Mantua documento sunt et adventum urbem artis Romanicae Gothicae Renascentiaeque testantur.

Tum magna pinacotheca colligationes inter Mantuam et magistros Italicos optimos Renascentiae et aetatis Barocae – tamquam Mantegna, Correggio, Iulius Romanus, Fetti et Baglione – monstrat. Et XVIII saeculi gloriam loci, Iosephum Bazzani, proponit. Ne dicamus de tabulis XX saeculi.

Deinde veniunt sacra ornamenta aurea - quae Gonzaga ad ornandas basilicam palatinam ecclesiamque cathedralem Mantuae iusserunt -, singulares armaturae XV saeculi, pretiosae crustae nitentes Lemovicenses, ebora Byzantina Arabaque, aulaea Renascentiae, mirabiles nummi Romani antiqui et cetera.

Etiamsi museum Francesco Gonzaga tam latum quam Palatium Ducale vel tam celebre quam Palatium Te non est, dicere non potes te praeclara musea Mantuae vidisse, nisi hoc videas.